Esti llunes, 10 de xunetu, la primer plantiya del Real Uviéu ta citada pa empezar la pretemporada nes instalaciones deportives d’El Requexón, onde seis xugadores de categoríes inferiores van ponese tamién a les órdenes de Juan Antonio Anquela pa empezar el trabayu preparatoriu de cara a la campaña nueva. Jose Martínez, “Josín”, Alejandro Prendes, Edu Cortina, Asier Gomes, Daniel Sandoval y Víctor Rozada, “Viti”, van ser los xugadores de la cantera que van empezar la temporada col primer equipu.

D’esta forma, el cuerpu técnicu, en consecuencia cola idea d’iguar una plantiya curtia, va apostar polos canteranos pa estes primeres selmanes de pretemporada, dándo-yos esperiencia y ilusión énte l’empiezu del cursu nuevu.

Estos seis xugadores van tar a les órdenes d’Anquela esti llunes, 10 de xunetu, anque la llista podría aumentar nos díes vinientes.