El Real Oviedo tornaba nesta ocasión al Carlos Tartiere para midise al CD Mirandés na xornada númberu 35 de LaLiga Hypermotion. El conxuntu carbayón buscaba la tercer victoria consecutiva de la temporada nun partíu onde namái valíen los trés puntos. El recibimientu del uvieísmu al equipu, como nos grandes díes, ejemplificaba la importancia del alcuentru d'esti domingu para'l que Luis Carrión apostó pol siguiente once: Leo Román, Oier Luengo, Dani Calvo, Abel Bretones, Viti, Colombatto, Luismi, Seoane, Masca, Sebas Moyano y Alemão.

Dende'l minutu unu a pol partíu. Asina salió'l Real Oviedo al alcuentru. Sebas Moyano, tres una gran xugada personal, sacóse un bon disparu dende la frontera de la área qu'obligó a la meta visitante a intervenir pa evitar el primeru. La idea de partíu yera clara con un combináu carbayón que llevaba'l pesu del alcuentru ente que el CD Mirandés trataba de salir a la contra.

Los minutos siguíen pasando nel Carlos Tartiere y el 0-0 siguía imperando nel marcador. Nel 43', la igualdá romper con un gran testerazu de Seoane que ponía per delantre a los nuesos. El "16" peñó a la perfección un magníficu centru cola derecha d'Abel Bretones para poner el primeru. 1-0 y descansu.

Tres la continuación, Masca tendría'l segundu pero un paradón de Juan Ramírez evitó'l tantu carbayón. Los de Lisci dieron un pasu adelantre nel segundu periodu  done l' Oviedo supo aguantar la so ventaya.  Paulino y Dubasin entraron nel 72 por Masca y Sebas Moyano para dar frescura al equipu. El cuadru visitante tuvo meyor na segunda parte y la so insistencia tendría'l pagu del gol. Nel 86´, Gabri Martínez ponía l'empate a unu y dexaba ensin tiempu de reacción a los de Luis Carrión que buscaron la victoria hasta'l final pero ensin ésitu.

Puntu que sabe a poco para los uvieinos na so llucha pela zona alta de la tabla y que dexa a el carbayones con 55 puntos y ocupando, momentáneamente, la quinta posición de la tabla. Agora, y ensin tiempu que perder, l'equipu yá piensa nel so próximu compromisu ligueru énte'l Cartaxena