El Real Ovied llegaba al Carlos Belmonte cola idea de collechar un nuevu trunfu col qu'averase entá más a los puestos de play off d'ascensu. La victoria por 3-2 énte'l Llevante UD la pasada fin de selmana supunxo una inyección de moral pa los uvieinos qu'encaraben esta xornada númberu 30 de LaLiga Hypermotion con enfotu y optimismu. Pa esti partíu énte l'Albacete BP, el técnicu catalán, Luis Carrión, allinió un once formáu por: Leo Román, Abel Bretones, Oier Lueno, Dani Calvo, Viti, Luismi, Colombatto, Cazorla, Masca, Sebas Moyano y Borja Bastón.

Los primeros minutos del alcuentru trescurrieron con igualdá ente los dos conxuntos y ensin muncho peligru en dambes árees. Nel 35', Santiago Colombatto dio'l primer avisu con un llanzamientu de falta que se coló por poco de la meta defendida por Vaclik. El combináu manchegu, pela so parte, nun tardó en responder con una bona acción de Manu Fuster no que sería la ocasión más clara de los primeres 45 minutos. El "10" sacar de la manga un gran disparu cola diestra qu'obligó a reacción, con una magnífica intervención, a Leo Roman. El porteru azul salvaba a los suyos y escontra el Real Oviedo coló al descansu con empate nel marcador.

Tres la continuación, el conxuntu de la capital del Principáu salió bien al segundu tiempu. Los de Carrión intentaron xugar el máximu tiempu posible en campu contrario y eso fixo que Viti, namás arrincar el segundu periodu, tuviera'l primeru. L'estremu remató con muncha potencia una bona llegada per banda derecha anque la meta local pudo repeler el peligru. Los nuesos siguíen apoderando y el premiu nun tardó en llegar. Un gran pase de Colombatto dexó mano a mano a Sebas Moyano que nun perdonó énte Vaclik. 0-1 y felicidá pa los siguidores azules presentes n'Albacete.

El tantu encaxáu fixo reaccionar a los locales que se fueron directos a pol empate. Tres dos bones acciones de peligru, los de Rubén Albés igualaron el choque con un tanto del ex oviedista Carlos Isaac. El gol fixo que l'Albacete creciera nel alcuentru y, col sofitu de la so xente, fora a pel segundu. Pese al aceleríu tres el tantu, el Real Oviedo supo aguantar y reponese pa, nel 88´, llevase los trés puntos con un gol de Jaime Seoane. El madrilanu remató un centru perfectu d'Abel Bretones dende la esquierda pa superar a Vaclik y da-y muncho más que trés puntos al conxuntu asturianu.

Con esti trunfu, los azules lleguen hasta los 47 puntos y asítiense cuartos na tabla a falta de que concluya la xornada. Agora, y tres esta victoria de muncho méritu, el combináu de Luis Carrión yá piensa nel so próximu compromisu ligueru énte'l Racing de Santander nel Carlos Tartiere.