Yera la última prueba de pretemporada para'l Real Oviedo, y Ziganda salió n'El Toralín repitiendo esquema 4-3-3 pero con novedaes nel once: Femenías; Lucas, Dani Calvo, Grippo, Pierre Cornud; Jimmy, Javi Mier, Mossa; Viti, Obeng y Borja Sánchez.

El dominiu y les ocasiones fueron oviedistas mientres tola primer metá. Bon  xuegu y llegaes, pero ensin premiu. Dos clares de Obeng, qu'atrapó en dos vegaes la meta y depués estenó en llínea de gol la defensa. Javi Mier probó dende la frontera con un potente disparu que se coló alto. Jimmy remató con muncha calidá un balón puestu por Borja Sánchez tres una gran xugada individual. Estrellóse na defensa. Llegó'l descansu ensin acercamientos a la meta de Femenías.

Empezó la segunda parte cola entrada de Bolaño sustituyendo a Grippo con molesties. Siguieron el dominiu y les oportunidaes oviedistas, aumentando la velocidá nes transiciones. La más clara foi de Obeng, cabeciando un centru de Pierre que se foi esviáu. Entraron Sangalli, Jirka y Matehus por Mossa, Viti y Obeng. Tamién debutó Joni Montiel. La Ponferradina camudó'l so once por completu y apoderó los postreros diez minutos, atopándose col premiu del gol, nel 87, obra de Edu Espiau. Terminó'l partíu cola victoria local na última prueba  enantes qu'arranque la competición oficial.