La primer plantilla carbayona continúa preparando'l so partíu del sábadu que vien frente l'Atlético de Madrid. Los azules buscarán una nueva victoria na casa cola que siguir inmersos na so llucha pola permanencia y recuperase moralmente tres lo asocedíu en Anoeta.

Dempués de la habitual sesión de vídeo, l'equipu treslladóse al campu númberu 5 de la ciudá deportiva d'El Requexón pa llevar a cabu una sesión focalizada nel trabayu col balón y na manera d'aprovechar les debilidaes del combináu colchoneru'l fin de selmana.

Mientres que Costas sigue exercitándose al marxe, la novedá nel entrenamientu de güei foi la presencia d'Alberto Reina, que s'exercitó xunto al restu de los sos compañeros tres la dura entrada sufrida en San Sebastián.

Mañana, nuevu entrenamientu dende les 10:30 hores.