Esta tarde midía'l Real Oviedo al Llugo nel Anxo Carro nun partíu qu'empezaba con peligru na primer xugada del alcuentru. Robu de los azules tres pitíu incial y xugada que remataría Borja Bastón con un disparu qu'atrapaba fácil la meta local.
Nun mal estene llegaría la más clara para'l cuadru carbayón nos primeres 45 minutos. Cabezaba un balón Pomares que repele mal el defensa lucense, y Sergi Enrich atento a puntu tuvo d'adelantrar al Real Oviedo nun remate acrobáticu que se coló por poco.
Arrincaba la segunda metá como lo fixo la primera, con peligru azul. Disparu de Koba Leïn dende la frontera y gran intervención del porteru qu'estenaba a córner. Trescurría'l partíu con imprecisiones y con relevu dende'l banquín intentaba Jon Pérez Bolo camudar l'aldu d'un duelu que s'encaminaba a la so recta final. Una gran espurrida de Tomeu Nadal dexaba al Real Oviedo llegar con opciones cuando solo quedaben 15 minutos de xuegu. Pudo traese los tres puntos el cuadru carbayón nel últimu sollutu d'alcuentru. Pase al buecu de Viti, internada per banda de Miguel Llambrich que ponía un centru que Obeng nun consiguía rematar de forma clara, el so toque d'espuela pegaba en Loureiro que casi marca en mesma puerta.
Finalmente, repartida de puntos nel Anxo Carro entre CD Lugo y Real Oviedo.
