El Mini Estáu de la Ciudá Deportiva José Manuel Llaneza foi l'escenariu de la 14ª xornada en LaLiga SmartBank, na que'l Real Oviedo perdió por 2-1 énte'l Villarreal B.
Pa midise al filial del submarín mariellu, Álvaro Cervera optó por un once formáu por Tomeu Nadal; Lucas, Rodri Tarín, Dani Calvo, Alosno Aceves; Abel Bretonos, Luismi, Montoro, Hugo Rama, Samu Obeng y Borja Bastón, nuna primer metá na que los de la capital del Principáu entraron meyor, llevando a cabu una presión alta y gociando de les ocasiones más clares. Bien
ordenaos en defensa, los d'Álvaro Cervera tuvieron el choque controláu, ensin qu'el Villarreal B xeneraren acciones clares de gol. Los azules aprovecharon la fondura de los homes de banda pa crear sobro Samu Obeng y Borja Bastón, anque la primer metá fuese al descansu col empate inicial nel marcador.
Tres el pasu por vestuarios, sería'l Real Oviedo ´l que cutiría primeru. Tres un saque d'esquina, Samu Obeng, nel primer palu, punxo un gran remate p'adelantrar a los de la capital del Principáu.Nun se conformaron los d'Álvaro Cervera que, minutos más tarde, cuntaríen con dos causes peligroses nes botes de Samu Obeng y Borja. Anque foi'l filial mariellu'l
que, tamién a balón paráu, punxo l'empate nel lluminosu, nuna acción que foi revisada pol VAR, énte la posible falta d'un xugador local a Tomeu Nadal. El partíu abrióse, dambos equipos quixeron más y llegaron les ocasiones pa unu y otru equipu. Sergi Enrich foi'l primer cambéu d'Álvaro Cervera. Gociaríen de delles pa desfacer l'empate el carbayones, pero foi'l
Villarreal B, de nuevu tres un balón paráu, el que pondría'l 2-1. Mangel tamién entró al verde del Mini Estadi, nel que sería l'últimu cambéu de los azules.
El calendariu nun da tregua, y l'equipu de la capital del Principáu va empezar a trabayar dende'l vienres, a les 10:30 hores, cola mente puesta nel choque del próximu domingu énte la Granada CF.
