El Real Uviéu, de la mano de LaLiga, pon a disposición de los sos aficionaos una ferramienta pa tar más cerca d’ellos y ufierta-yos tola información tocante al club.
D’esta manera, la entidá yá dispón de la so app oficial, que nos primeros meses va tener un calter de prueba, na que los aficionaos carbayones van tener un papel fundamental pa decidir los sos conteníos. Pa eso, aquellos aficionaos que tengan suxerencies o idees que puedan ameyorar el conteníu de l’app van poder ponese en contactu col club pente medies del email app@realoviedo.es
Si quies cuntar cola App Oficial del Real Uviéu nel to dispositivu móvil Android o iOS pues facelo en:
Les característiques principales de la nuestra app:
- Conteníu multimedia: Los vídeos del Real Uviéu, a un pasu. Vivi tolos goles y los meyores momentos de los partíos col meyor conteníu multimedia personalizáu dafechu pa cada aficionáu, tanto de la temporada 2018-2019 como de temporaes pasaes.
- Notificaciones Push: nun pierdas nin un detalle gracies a les notificaciones push configurables dafechu. Recibi avisos en directo de tolos conteníos que t’interesen.
- Calendariu, resultaos y clasificación en directo: consulta toles feches clave y los horarios en calendariu oficial. Toles xornaes con resultaos en directo de cada partíu y la clasificación xeneral actualizada dafechu.
- Estadístiques de los nuestros xugadores: accedi a les estadístiques de tolos xugadores y compáralos ente ellos. El comparador va ufiertate datos precisos de los goles, partíos, minutos xugaos, tarxetes, asistencies, disparos, recaties, faltes, pases, centros, entraes y muncho más.
- Redes Sociales: sigui toles redes sociales del club al traviés de l’app oficial.
- Información sobre l’estadiu: accedi al mapa d’accesu al estadiu y consulta tola información rellacionada. Fai una visita guiada, consulta los horarios y medios de tresporte p’acceder.
