Esti mañán comparecía l'entrenador del Real Oviedo, Guillermo Almada, na previa del viaxe a Barcelona pa enfrentase al RCD Espanyol. L'entrenador uruguayanu declaraba: "Fiximos autocrítica y análisis del caberu partíu. Veo al equipu con ganes de tener una revancha rápido. El fútbol ponnos un partíu a los cinco díes pa poder rediminos. La única manera de llevantanos ye tratar de disfrutar y ganar".
El míster tamién analizó l'alcuentru de los azules frente al Rayo: "Foi un mal partíu. Nun tuvimos la coordinación necesaria cola pelota, munches pérdidas y eso obliga a tar muncho más atent@s y a nun facer lo que tienes que facer que ye xugar. El peor partíu dende que tamos equí. Esperemos que nos dexe enseñances y podamos camudar la imaxe del otru día y nos acerque a lo que queremos que ye ganar".
Sobre la acumulación de partíos señalaba, "noto al conxuntu más recuperáu que na previa del partíu frente al Rayo. La intensidá foi menor que col Atlético y tamos convencíos de que vamos llegar en meyores circunstancies que'l día del Rayo".
El próximu choque, frente al RCD Espanyol, va ser en palabres d'Almada "un partíu complicáu, como toos, sobre manera pola nuestra situación, pero tenemos que recuperar la nuestra identidá de lo muncho bonu que tabamos faciendo más allá de los resultaos".