El Carlos Tartiere acoyó la vixésimu novena xornada en LaLiga SmartBank, na qu'el Real Oviedo se vio las caras cola Real Sociedad B, con derrota azul al término de los noventa minutos.
Pal choque ente'l conxuntu donostiarra Cuco Ziganda, que cumplía el so segundu partíu de sanción y nun pudo sentarse nel banquillu, optó por un once formáu por Femenías; Carlos Isaac, David Costas, Dani Calvo, Mossa; Viti, Luismi, Brugman, Borja Sánchez; Samu Obeng y Borja Bastón, nun partíu que se decidió nos minutos finales, con un penalti pa cada equipu.
La primera metá fue mui trabada, con un comienzu de partíu percompetíu ente ambos equipos. Los azules punxeron muncho balón colgado al área, tratando de superar les llínees defensives de los de Xabi Alonso, que se emplegaron a fondiu pa evitar el pelligru ofensivo de los del Cuco Ziganda. Les dos más clares d'esti actu foron la doble parada de Zubiaurre a remate de Viti y Borja Bastón, siendo esti últimu protagonista con un cabezazo, minutos más tarde, que se marchó per enriba del travesañu.
La segunda metá siguió la tónica de la primera, un Real Oviedo que lo intentó, con munchos minutos en campu visitante, y una Real B mui aplicada en defensa que nun concedió ocasiones a los de la capital del Principáu. Sangalli y Joni Montiel foron los primeros cambeos de Ziganda, Pombo darréu, y Lucas y Matheus los últimos en saltar al terrenu de xuego. El choque finó con unos minutos de muncha intensidad, con un penalti anotado pola Real B, tres el que Carlos Isaac vio la tarjeta roja, y una pena máxima pa los oviedistas, qu'el porteru visitante detuvo el disparu de Borja Bastón.
Tropiezo oviedista nel Carlos Tartiere, que priva a los azules de dormir en puestos de Play Off d'ascensu. El conxuntu de Ziganda vuelve esti domingi a los entrenamientos, comenzando a preparar el alcuentru del próximo domingo ente'l Girona CF.
