El Real Uviéu va xugar esti domingu 25 de febreru, a les 16:00 hores, el partíu correspondiente a la Xornada 28 en LaLiga 123, énte’l Real Zaragoza, en La Romareda.
El conxuntu mañu unvió a Uviéu un total de 550 localidaes pa la so venta antemanada, que van tar disponibles dende esta tarde, a les 16:00 hores, na tienda oficial del club nel Centru Comercial MODOO.
Les entraes tienen un preciu únicu de 25 euros, correspondientes a la tribuna gol sur cubierta, y tán disponibles namás p’abonaos del Real Uviéu. Cada abonáu va poder adquirir una localidá, siendo obligatorio presentar el carné d’esta temporada, amás del DNI, de la que se saque la entrada. Amás, va dexase que cada abonáu pueda retirar una localidá más pa otru abonáu de la entidá, siendo igualmente obligatorio presentar físicamente’l carné d’esta temporada y DNI de la persona pa la que se retira la localidá. Ensin presentar dambos documentos nun se va vender la entrada.
