El Real Uviéu va xugar esti sábadu 10 de payares a les 20:30 hores, el partíu correspondiente a la Xornada 13 en LaLiga 123, énte’l RC Deportivo de la Coruña en Riazor.
El conxuntu gallegu unvió a Uviéu un total de 3.000 localidaes a 25 € que se van repartir ente APARO y Real Uviéu. El club va poner a la venta en MODOO mañana llunes, dende les 10:00 hores, les localidaes que tán disponibles p’abonaos del Real Uviéu. Cada abonáu va poder adquirir una localidá, siendo obligatorio presentar el carné d’esta temporada, amás del DNI, de la que se saque la entrada. Amás, va dexase que cada abonáu pueda retirar una localidá más pa otru abonáu de la entidá, siendo igualmente obligatorio presentar físicamente’l carné d’esta temporada y DNI de la persona pa la que se saca la localidá. Ensin presentar dambos documentos nun se va vender la entrada.
Les localidaes van tar a la venta hasta’l vienres, día 9, a les 22:00 hores.
