La competición nun para y esta tarde el Carlos Tartiere acoyó la xornada 35 de LaLiga Smartbank qu'enfrentó al Real Oviedo y al Fuenlabrada nel municipal uvieín, con repartida de puntos a la fin de los 90 minutos.
Ziganda tiró de rotaciones y dio entrada a dellos xugadores nel once incial, buscando dar descansu a la so plantiya, aprovechando les ganes y predisposición de la so plantiya. Na primer parte, na que'l Real Oviedo dispunxo de más ocasiones p' abrir el marcador, los azules tuvieron bien sólidos en defensa y trataron de xenerar peligru sobro la portería defendida por Pol Freixanet. La más clara del primer actu tuvo na cabeza de Lolo que, a centru de Mossa, trató de superar a la meta visitante. Tres el pasu por vestuarios, el Real Oviedo buscó facese col control de xuegu, buscando abrir espacios ente la defensa del Fuenlabrada. Luismi tuvo una oportunidá dende la frontera, pero'l so balón coló pol llateral del arcu madrilanu. Nos momentos finales, Ziganda trató de meter aire fresco nel ataque, el Real Oviedo siguió intentándolo, pero nun tuvo ésitu p'anotar el tantu que-y diera la victoria.
Nun hai tregua pa los azules, qu'esti próximu domingu encaren un importante partíu énte'l Numancia.
