El Real Uviéu ta d’estrena. Concretamente, na d’imáxenes animaes pa presumir d’uviedismu vía WhatsApp o redes sociales, ufiertando a los uviedistes los nuestros materiales interactivos pa compartir en redes sociales.
Y ye que la entidá inauguró la so cuenta oficial de marca en Giphy, el sitiu de más relevancia a nivel mundial al respective d’imáxenes animaes: GIPHY.com. Una plataforma que s’afitó como la mayor biblioteca de gifs animaos y onde, desque xubíos los archivos na nuestra cuenta oficial y autorizaos por Giphy, los gifs empiecen a tar disponibles pa que tou usuariu pueda compartilos nes redes sociales principales: Twitter, Facebook, Instagram, WhatsApp y munches más.
Na nuestra cuenta, acabante estrenar, los uviedistes yá puen atopar animaciones, xugadores, xugaes, y los mejores complementos pa decorar y tiñir con uviedismu les sos redes sociales. Esti perfil va recibir material nuevo y animaciones que tamos seguros de que van gustar muncho a los nuestros siguidores, al empar de que vaigamos mostrando esos conteníos nos perfiles oficiales del club.
Nel "videu day" producíu pol propiu club primero d’empezar la temporada, los xugadores realizaron munches d’estes animaciones específiques p’acompañar nel conteníu online, tal y como tán faciendo los grandes clubes europeos.
Igual que nes demás redes sociales nuestres, el club llogró l’usuariu @RealOviedo por consistencia de marca, pudiendo acceder al perfil oficial directamente nesti enllaz https://giphy.com/realoviedo.
¡Esperamos que vos gusten!
