El Real Oviedo amplió'l so alcuerdu de patrocinio con JL Refrigeración, empresa especializada en soluciones y equipamientu de fríu, que va siguir vinculada al Club como Local Sponsor hasta xunu de 2026.
Con esta ampliación, JL Refrigeración refuerza'l so compromisu col deporte y cola ciudá d'Uviéu, consolidando la so presencia nel proyectu azul y compartiendo los valores que definixen al Club: esfuerciu, dedicación y orgullu de pertenencia.
L'actu de firma contó cola participación d'Alberto Méndez, Direutor Téunicu, y José Carlos Méndez, CEO de JL Refrigeración. En representación del Real Oviedo asistió César Martín.
JL Refrigeración destácase pola so esperiencia, innovación y serviciu especializáu nel ámbitu del equipamientu de fríu. L'ampliación del so sofitu como Local Sponsor evidencia la so implicación col Real Oviedo y la so apuesta por collaborar coles empreses llocales que impulsen el desarrollu del Club.
El Real Oviedo agradez a JL Refrigeración la so confianza y compromisu continuáu, cualidaes que fortalez el vencellu ente la entidá y el texíu empresarial uviedín.