Última xornada de la 2019/20 pa los de Ziganda, que visitaron el Martínez Valero pa midise al Elche. La resultancia del alcuentru foi de 2-1 en contra de los intereses oviedistas.
Con dellos cambeos nel once respecto al anterior partíu énte'l Racing, el Real Oviedo saltó sobro'l verde del feudu ilicitano, buscando sumar de tres p'acabar con bon pie la temporada. Matió primero l'Elche, con un tanto de Jonathas, retayando distancies los azules per mediu de Lolo al filu del descansu, y tres delles bones intervenciones de Lunin. Na segunda parte, los carbayones dieron un pasu adelantre y empezaron buscar la portería local. Pere Milla punxo'l segundu nel marcador, atayando les aspiracione del Real Oviedo por facese col trunfu.
Los azules van volver mañana a Uviéu y van sometese a les pruebes médiques pertinentes que certifiquen l'estáu aptu de salú de tolos integrantes del equipu.
