El Real Oviedo volvió de vacíu de Soria. Un partíu nel que Ziganda repitió l'once col que se collechó la victoria nel Molinón.
Los azules saltaron al terrén de xuegu cola clara intención de xenerar peligru sobro la meta defendida por Dani Barrio. Túvola Ibra dende la frontera, pero'l porteru numantinu detuvo'l tiru y unvió el balón a córner. El Numancia, nuna contra, anotó'l primer tantu del partíu. Anotaría'l Real Oviedo, per mediu de Rodri, nun gol que paecía llegal, pero'l VAR anuló l'acción. Tres el pasu por vestuarios, el Cuco Ziganda movió'l banquín, cola entrada de Mossa y Bárcenas, pa darréu introducir a Borja Sánchez. Nel minutu 60 de xuegu Bárcenas foi espulsáu, al entender el colexáu qu'el panameño llanzaba una patada sobro un xugador sorianu. Con diez el Real Oviedo trató d'algamar la portería defendida por Dani Barrio, ensin ésitu.
Esti miércoles los azules van tener una nueva oportunidá pa sumar, cola visita al Carlos Tartiere del Mirandés.
