Amás del primer trunfu de la temporada como local, el Real Uviéu-Albacete valió pa que Juan Antonio Anquela cumpliere 50 partíos de LaLiga al frente del bancu carbayón.
El xienense, que’l 23 de xunu del 2017 convirtióse de manera oficial n’entrenador del Real Uviéu, algama’l mediu centenar de partíos como técnicu azul, imprimiendo calter, trabayu y competitividá al so equipu.
Al frente del Real Uviéu en competición regular, Juan Antonio Anquela axunta un total de 21 victories, 14 empates y 15 derrotes, rexistrando’l meyor arranque en LaLiga dende l’ascensu del 2015.
D’esta manera, Juan Antonio Anquela, col so cuerpu técnicu, van siguir trabayando nesta temporada pa que’l Real Uviéu siga metíu na so llucha por ser quién a llograr los sos oxetivos.
