ROV / Club / Visites

Visites

VISITES GUIAES

 

El Real Uviéu ufierta visites guiaes al estadiu Carlos Tartiere. Nelles éntrase al terrén de xuegu pel túnel de vestuarios y percuérrense les dependencies internes del recintu, incluyíes la sala de prensa y la zona mista. Dientro la visita, merez una mención especial el muséu de la historia del club.

 

MUSÉU DEL REAL UVIÉU

 

El Muséu del Real Uviéu, qu’ocupa más de 700 metros cuadraos, ta allugáu na planta baxa del estadiu Carlos Tartiere y ufierta la posibilidá de conocer la historia d’ún de los clubes con más solera del fútbol español.

 

El visitante del Muséu del Real Uviéu va poder conocer los oríxenes del fútbol n’Uviéu, amás de dos de los equipos más representativos de la ciudá nes primeres décades del sieglu XX, el Stadium y el Deportivu, que cola so fusión nació’l Real Uviéu en 1926. Bien d’imáxenes ilustren les más de nueve décades de vida del club; los tiempos doraos, cuayaos d’éxitos, y los años de llucha dura pola supervivencia.

 

Cromos, álbumes, carnés d’abonáu, entraes y otros oxetos de los pasaos años 20 n’adelantre ilustren la visita al muséu. Un apartáu especial gárrenlu los munchos llibros publicaos sobre’l Real Uviéu dende 1940 hasta l’actualidá. De la mesma manera, disponen d’un espaciu propiu los 16 xugadores del Real Uviéu que defendieron la camiseta de la selección española absoluta.

 

La sala de trofeos ufierta la visión de más d’un centenar de copes ganaes pol Stadium, el Deportivu y el Real Uviéu, tanto en competiciones oficiales como en torneos amistosos.

 

ESCUELES

 

El Real Uviéu ufierta visites educatives a les escueles, coles que s’esplica a los escolinos de manera curtia la organización y el desenvolvimientu internu d’un partíu de la Lliga de Fútbol Profesional (LFP); tolo rellacionao cola seguranza, actuación de Protección Civil y Fuercies d’Orde Públicu, llegada de los xugadores al campu, llabor de los medios de comunicación, protocolu, etc.

 

INFORMACIÓN

 

 

985 21 53 00

oas@realoviedo.es

GALERÍA D’IMÁXENES