Estadiu Carlos Tartiere

ESTRUCTURA

Ye una construcción rectangular. Per fuera mide 177.4 por 164.6 m y lleva cuatro torres nes esquines, de 20 por 30 m y de 12 por 18.5 m d’altor caúna, destinaes a les comunicaciones verticales y remataes por cubiertes pirámides. Les fachaes tán estremaes en dos altures y van abiertes a manera de pórticos onde se repite’l diseñu d’una naspa. Ye una construcción de formigón armao visto y paredes prefabricaes de formigón, que’l so tratamientu como material constructivo noble destacólu de contino’l so arquiteutu.

TERRÉN DE XUEGU

 

El terrén de xuegu, cola exa en dirección norte-sur, mide 105 x 68 m y tien una distancia mínima ente 6 y 7.5 m dende la llinia de banda a la valla de retención d’espectadores.

 

INSTALACIONES

 

El campu tien un total d’ocho vestuarios pa equipos, entrenadores y árbitros. El vestuariu del equipu local dispón d’una zona d’agua. Nesta parte del edificiu tamién hai un espaciu pa clínica y otru pa control antidoping.

 

• Servicios.
• Clínica.
• Sala de control antidoping.
• Zona de catering / cocina. Cafeteríes.
• Sala de comunicación y de conductores.
• Despachu de dirección y secretaría.
• Consigna y atención al públicu.
• Cocines y sales de trabayu.
• Almacén de loxística y almacén de material.
• Ximnasiu equipáu con sala de calentamientu y máquines de musculación.
• Centru de tresformación y grupu electróxenu.
• Zona Club: despachu director y secretariu, sala de xuntes, catering, zona muséu-esposición y tienda.
• Cabines insonorizaes y puestos de trabayu.

 

 

FUNCIONALIDAES

 

• Accesos auníos a les grades con cuatro aniellos de circulación que dexen arrodiar tol estadiu dende dientro.
• Valles o pantalles tresparentes infranquiables instalaes con posibilidá de desmontase siempre que se considere necesario.
• Accesibilidá dafechu pa discapacitaos.
• L’estadiu arródienlu cuatro torres rectangulares en caúna de les esquines, acoyendo comunicaciones y servicios pal públicu en xeneral.
• Accesu de xugadores, árbitros, organización, autoridaes, VIPS, n’autocar o en coche hasta zones acutaes y cubiertes.
• Aspectos de seguranza como Centru de Control, fosos, instalaciones antivandáliques y automátiques.
• 4 vestuarios pa futbolistes, 2 pa entrenadores y 2 p’árbitros.
• Sala d’asistencia médica y masaxes, sala d’utillaxe, sala d’árbitros y aula de formación, despachos d’entrenadores, sala d’espera.
• Cabines de prensa y control de comunicaciones, zona mista prensa-participantes, sala de conferencies, oficines y servicios xenerales TV, sala de radio, sala de prensa, dos sales de reproducción de resultaos, sala d’edición de resultaos, estragal VIPS, accesos per escalera y ascensor.

 

GALERÍA D’IMÁXENES