ROV / Cantera / El Requexón

Ciudá Deportiva El Requexón

HISTORIA

N’añu 1969, l’entós presidente Enrique Rubio Sañudo adquirió los primeros terrenos (una finca na llende del conceyu d’Uviéu estremada pol Río Nora de los conceyos vecinos, Llanera y Siero). De la que foi presidente José María Velasco, construyóse’l primer campu de fútbol nesi escenariu, cola mira de convertilu nel sitiu d’entrenamientu del primer equipu.

Nos años 80 constrúyese’l segundu campu de fútbol nos terrenos d’El Requexón, na etapa na que José Manuel Bango dirixía la entidá. Na etapa na qu’Eugenio Prieto ocupó la presidencia del club, fíxose una ampliación de 13.000 metros cuadraos ameyorándose les instalaciones con un tercer campu (de yerba sintético), vestuarios nuevos y otres instalaciones. Desque s’adquirieron otros 14.000 metros cuadrados, acométese, al empezar el sieglu XXI, la última gran reforma: xunto a la construcción de dos campos nuevos, empieza una remodelación dafechu pa que “El Requexón” respondiere a les necesidaes de tolos equipos de les categoríes inferiores de la entidá.

INSTALACIONES

– Superficie total: 80.447 metros cuadraos.
– Cinco campos de fútbol (cuatro de yerba natural y ún de yerba sintético).
– Zones d’entrenamientu específicu y pistes d’aceleración.
– Pista finlandesa.
– Edificiu principal con vestuarios pa tolos equipos, ximnasiu, dependencies médiques, almacén y llavandería.
– Edificiu públicu con sala de prensa, sala polivalente, cafetería y otros servicios.
– Zona d’aparcamientu.

GALERÍA D’IMÁXENES