El Real Oviedo llegaba a esta xornada númberu 34 de LaLiga Hypermotion cola posibilidá de metese nos puestos de play off. Los de la capital del Principáu víen les cares col Elche CF nel Martínez Valero nun choque clave y directu pela zona alta de la tabla. En sumando trés puntos d'oru énte'l Villarreal B, los de Luis Carrión encaraben esti alcuentru con ilusión y conscientes de lo que supondría ganar güei al combináu ilicitano. Magar les baxes de Cazorla y Dubasin, el técnicu catalán allinió un once de garantíes formáu por: Leo Román, Viti, Oier Luengo, Dani Calvo, Abel Bretones, Luismi, Colombatto, Seoane, Masca, Sebas Moyano y Alemão.
Los dos equipos yeren conscientes de lo qu'había en xuegu nel día de güei y l'igualdá nes árees predomino. Los locales teníen la posesión del balón ente que'l Real Oviedo trataba de salir rápido a la contra y asina llegaría'l primer avisu de los uvieinos. Alemão se quedaba mano a mano ante Dituro pero nun llograba materializar la ocasión. Sicasí, la xugada fuera anulada primeramente por falta del brasileñu sobro un defensor del Elche CF.
Tres esi primer avisu nel minutu 10 d'alcuentru, Colombatto nun esbardió la segunda clara pa los de Carrión y adelantró a los asturianos nel 13'. 0-1 y entamu inmeyorable pa los nuesos que se poníen per delantre nunu de los más campos más complicaos de la categoría. Los de Beccacece nun camudaron la so idea y siguieron siendo dueños de la posesión onde Tete Morente yera l'encargáu de protagonizar tolos ataques pola banda esquierdu. Pese al apodero local, Leo Román nun tuvo que realizar nenguna intervención de méritu y la ventaya siguía siendo pa los azules. Yá en cantu del descansu, Masca tendría'l segundu de cabeza pero'l so remate colóse llixeramente esviáu. Descansu.
Tres la continuación, el cuadru carbayón tuvo dos remanes perclares p'ampliar la ventaya. Alemão, de primeres, a puntu tuvo de poner el 0-2 nel marcador pero un paradón, nel mano a mano, del meta local evitar. El brasileñu, que foi un incordiu total pa la zaga ilicitana, asistió unos minutos dempués a Masca anque'l remate del portugués foi nuevamente deteníu por Dituro.
La solidez defensiva de los homes de Luis Carrión siguía siendo sobresaliente y l'Elche CF siguía ensin atopar la forma de poner l'empate. Nel 77', Leo Román con una doble intervención estenaba'l peligru n'una de les más clares del Elche na segunda parte y el 0-1 siguía imperando nel lluminosu. Jimmy, Paulino de la Fuente y Álex Millán fueron los futbolistes escoyíos pa ingresar al campu na segunda metá pa tratar d'aguantar la resultancia y collechar un trunfu perimportante nesta recta final del campeonatu.
Nel 83', una nueva mano salvadora de Leo Román, tres una cabezada de Borja Garcés, evitaba l'empate por que en el descuentu Paulino de la Fuente sentenciara'l choque a la contra y fixera que'l Real Oviedo diera un golpe enriba de la mesa y metiérase per primer vegada nos puestos de play off d'ascensu.
Partidazu del combináu de Luis Carrión y trés puntos d'oru énte un rival directu por que el uvieísmu siga suañando nestos últimos ocho partíos de LaLiga Hypermotion.
